Teorainneacha Maoinithe
Gné a hAon – Tacaíocht do Léiriúchán Áitiúil Scannán agus Teilifíse
Beidh tionscadail Scannán agus Teilifíse a bhfuil buiséid iomlána os cionn €1,000,000 acu in ann iarratas a dhéanamh ar iasacht uasta de €300,000.
Ní mór tairiscint iasachta léirithe a bheith faighte ag cuideachtaí ó Fís Éireann agus cóimheas caiteachais de 2:1 ar a laghad a bheith acu (i gceantair in Éirinn suite níos mó ná 65km ó Ard-Oifig an Phoist, Baile Átha Cliath).
Ní féidir le Fís Éireann ach suas le 65% den bhuiséad iomlán a sholáthar don tionscadal agus iasacht léiriúcháin Fhís Éireann san áireamh.
Gné a Dó – Tacaíocht do Léiriúchán Gearrscannán Beo-aicsin
Ní mór tairiscint iasachta léiriúcháin Focus Shorts le Fís Éireann a bheith faighte ag cuideachtaí chun iarratas a dhéanamh ar iasacht suas le €5,000 ar a mhéad i ndáil le léiriúcháin a bheidh ar siúl níos mó ná 65km ó Ard-Oifig an Phoist Bhaile Átha Cliath.
Gné a Trí – Beo-aicsean Idirnáisiúnta
Beidh tionscadail Scannán agus Teilifíse Beo-aicsin a bhfuil Caiteachas Incháilithe Alt 481 de €5,000,000 ar a laghad acu in ann iarratas a dhéanamh ar iasacht suas le €800,000 ar a mhéad i ndáil le léiriúcháin a bheidh ar siúl níos mó ná 65km ó Ard-Oifig an Phoist Bhaile Átha Cliath.
Ní mór d’iarratasóirí giaráil caiteachais léiriúcháin de 20:1 ar a laghad a léiriú trí úsáid a bhaint as Caiteachas Incháilithe Alt 481.
Tabhair faoi deara go measaimid gur ciste iomaíoch a bheidh i gceist leis seo agus go ndéanfar gach iarratas a mheasúnú ar bhonn cás ar chás chun cuspóirí bheartais straitéiseacha an Chiste a chomhlíonadh.
Bronnfar an Iasacht bunaithe ar bhreithniú a dhéanamh ar an gcaiteachas iomlán i gceantair na hÉireann atá níos mó ná 65km ó Ard-Oifig an Phoist Bhaile Átha Cliath, caiteachas arb ionann é agus iomlán na gcostas áitiúil scannánaíochta agus léiriúcháin lena n-áirítear táillí suímh, taisteal, lóistín, liúntais laethúla, soláthraithe agus seirbhísí áitiúla, lónadóireacht agus tuarastail don fhoireann áitiúil agus don chriú.
