Is iontach an rud é do ghnólacht beag a thabhairt go dtí an chéad leibhéal eile, ach is cúis mhór imní é fios a bheith agat faoin gcaoi leis an bpróiseas a thosú. Gheobhaidh tú eolas anseo ar raon tacaíochtaí chun cabhrú le leathnú gnólachta – ó dhul isteach i margaí nua go foireann oilte a fhostú agus gach rud eatarthu.
Conas is féidir linn cabhrú?
Do ghnólacht a leathnú
![Laoch Baile [Picture]_data](data:image/png;base64,iVBORw0KGgoAAAANSUhEUgAAAAEAAAABCAQAAAC1HAwCAAAAC0lEQVR42mNkYAAAAAYAAjCB0C8AAAAASUVORK5CYII=)
Cad a bhfuil suim agat ann
Tacaíochtaí onnmhairithe faoi thrácht
Beidh deiseanna nua ag do ghnólacht fás agus teagmháil a dhéanamh le níos mó custaiméirí nuair a rachaidh tú isteach i margaí nua.
Seo roinnt de na tacaíochtaí is mó ráchairt chun cabhrú le do ghnólacht pleanáil agus ullmhú le leathnú isteach i margaí nua.
Cineál tacaíochta
ALL
Méid an ghnólachta
ALL
Gníomhaireacht tacaíochta
ALL
Tionscal
ALL
Loading...
ACUMEN
Tús a chur le honnmhairiú trasna teorainn na hÉireann
Tá trádáil trasteorann ar cheann de na bealaí is fusa agus is insroichte chun tús a chur le honnmhairiú. Ceapadh an clár seo le cabhrú le gnólachtaí fás ar bhonn uile-oileáin trí acmhainn díolacháin a thiomnú chun deiseanna díolacháin a fhorbairt sa mhargadh trasteorann.
Gnólachtaí atá ag iarraidh díriú ar mhargaí trasteorann nua.
D’fhéadfá a bheith incháilithe má:
- Is gnólacht beag go meánmhéide thú
- Tá tú ag trádáil i dtionscal déantúsaíochta nó seirbhísí incháilithe
- Tá tú ag trádáil le 2 bhliain ar a laghad
Tá incháilitheacht faoi réir téarmaí agus coinníollacha.
Deontas Staidéir Indéantachta GNAA
An gnólacht nuathionscanta ard-acmhainne thú (GNAA) a bhfuil suim agat i do tháirge nó do sheirbhís nuálaíoch a chur ar fáil ar an margadh idirnáisiúnta?
Tugann an Deontas Staidéir seo cúnamh do chuideachta nua-thionscanta nó d’fhiontraí aonair iniúchadh a dhéanamh ar inmharthanacht gnó nó tairiscint nua atá dírithe ar onnmhairiú.
D’fhéadfá a bheith incháilithe más:
- GNAA nuálaíochta thú atá ag ullmhú chun infheistíocht a ardú, atá ina chliant de chuid Fhiontraíocht Éireann cheana féin.
Cúnamh Teicniúil do Mhicrea-Onnmhaireoirí
Do ghnólacht beag a thabhairt isteach i margaí nua
Leis an deontas seo, is féidir leat triail a bhaint as trí fhreastal ar aontaí trádála thar lear agus ar imeachtaí líonraithe, trí ábhair mhargaíochta nua a fhorbairt agus trí shuíomh gréasáin a fhorbairt a chabhróidh leat teacht ar lucht spéise idirnáisiúnta nua
Gnólachtaí beaga atá ag beartú leathnú isteach i margaí idirnáisiúnta.
D’fhéadfá a bheith incháilithe má:
- Tá gnólacht beag go meánmhéide agat
- Fhostaíonn tú suas le 50 duine
- Tá tú ag feidhmiú in Éirinn le 12 mhí anuas ar a laghad
- Bíonn tú i mbun déantúsaíochta nó seirbhísí a thrádáiltear go hidirnáisiúnta
Tá incháilitheacht faoi réir téarmaí agus coinníollacha.
Deontas maidir le Cúnamh Teicniúil do Mhicrea-Onnmhaireoirí (CTMO)
Iniúchadh a dhéanamh ar dheiseanna onnmhairithe
Soláthraíonn an tacaíocht seo maoiniú chun cabhrú le gnólachtaí deiseanna onnmhairithe a fhiosrú agus a fhorbairt.
D’fhéadfá a bheith incháilithe má:
- Tá gnólacht beag go meánmhéide agat
- Tá do ghnólacht ag forbairt, ag leathnú agus lonnaithe i nGaeltacht
- Tá tú i mbun déantúsaíochta nó seirbhísí a thrádáiltear go hidirnáisiúnta
Tá incháilitheacht faoi réir téarmaí agus coinníollacha.
Cumas Margaíochta Digití
Do mhargaíocht dhigiteach a fheabhsú le haghaidh fás gnó
Tugann an tacaíocht seo an chabhair atá de dhíth ar ghnólachtaí chun meáin margaíochta digití a úsáid go héifeachtach chun custaiméirí nua aimsiú, díolacháin a mhéadú agus a gclúdach margaidh a leathnú.
Gnólachtaí atá ag iarraidh a láithreacht ar líne a fheabhsú agus teagmháil a dhéanamh le lucht féachana níos leithne.
D’fhéadfá a bheith incháilithe má:
- Is cliant Údarás na Gaeltachta thú cheana féin
- Is cliant ionchasach d’Údarás na Gaeltachta thú a bhfuil gnólacht beag go meánmhéide á fheidhmiú agat
Tá incháilitheacht faoi réir téarmaí agus coinníollacha.
Athbhreithniú Straitéiseach Margaíochta
Feabhas a chur ar do phleananna díolacháin agus margaíochta.
Is clár gairid, dian é seo do cheannairí sinsearacha. Ligeann sé duit tacaíocht agus oiliúint a fháil chun deiseanna fáis gnó a aithint agus plean margaíochta soiléir a thógáil.
Tá an tAthbhreithniú Straitéiseach Margaíochta oiriúnach do 2 chineál gnó – cliaint luathchéime atá teoranta ó thaobh acmhainní díolacháin agus margaíochta, nó cuideachtaí a bhfuil acmhainní acu, atá ag onnmhairiú, agus ar mian leo scála a dhéanamh.
D’fhéadfá a bheith incháilithe má:
- Is cliant d’Fhiontraíocht Éireann thú
- Ní mór duit aghaidh a thabhairt ar dhúshláin díolacháin agus mhargaíochta sa ghearrthéarma
- Is gnólacht luathchéime thú le hioncam de €0.5m nó níos lú
- Tá tú ag onnmhairiú cheana féin agus ba mhaith leat scála a dhéanamh
Tá incháilitheacht faoi réir téarmaí agus coinníollacha.
Rannpháirtíocht i Seónna Trádála agus Seimineáir Ghréasáin
Fás gnó a spreagadh agus cuir le do chlú idirnáisiúnta
Éascaíonn Bord Bia seónna trádála agus rannpháirtíocht seimineár gréasáin trí imeachtaí a eagrú agus a bhainistiú a ligeann do chuideachtaí bia agus dí na hÉireann a gcuid táirgí a thaispeáint ar bhonn domhanda.
Gnólachtaí bia agus dí atá ag iarraidh a láithreacht i margadh nua a mhéadú.
D’fhéadfá a bheith incháilithe má:
- Is cliant Bhord Bia thú
Tá incháilitheacht faoi réir téarmaí agus coinníollacha.
Cuairteanna Staidéir ar an Margadh
Nochtadh don mhargadh a fháil chun cabhrú le do phleanáil straitéiseach ghnó
Ligeann Cuairt Staidéir ar an Margadh de chuid Bhord Bia do chuideachtaí bia agus dí na hÉireann margaí idirnáisiúnta a iniúchadh trí dhul i dteagmháil go díreach le saineolaithe áitiúla agus treochtaí tomhaltóirí a thuiscint.
Gnólachtaí bia agus dí atá ag iarraidh margaí nua a iniúchadh.
D’fhéadfá a bheith incháilithe má:
- Is cliant Bhord Bia thú
Ciste Fionnachtana Margaidh – Údarás
Taighde margaidh a dhéanamh agus plean a fhorbairt chun dul isteach i margaí nua
Is deontas forbartha onnmhairíochta é Ciste Fionnachtana Margaidh Fhiontraíocht Éireann a thacaíonn le gnólachtaí atá ag iarraidh deiseanna margaidh nua a iniúchadh.
Gnólachtaí atá ag beartú dul isteach i margaí idirnáisiúnta nua, nó atá ag iarraidh táirgí nó seirbhísí nua a thabhairt isteach i margaí reatha.
D’fhéadfá a bheith incháilithe má:
- Is cliant Údarás na Gaeltachta thú cheana féin
- Is cliant ionchasach d’Údarás na Gaeltachta thú a bhfuil gnólacht beag go meánmhéide no mór á fheidhmiú agat
- Tá tú ag trádáil le 5+ bliana agus tá ioncam bliantúil de €500K ar a laghad agat
Tá incháilitheacht faoi réir téarmaí agus coinníollacha.
Scéim Scileanna Taighde Margaidh a fhorbairt
Foghlaim conas taighde margaidh a dhéanamh chun leathnú chuig margaí nua
Is féidir an tacaíocht seo a úsáid chun cabhrú leis na costais inmheánacha a chumhdach, a bhaineann le deiseanna nua margaidh a iniúchadh.
D’fhéadfá a bheith incháilithe má:
- Tá gnólacht beag go meánmhéide agat
- Tá do ghnólacht ag forbairt, ag leathnú agus lonnaithe i nGaeltacht
Tá incháilitheacht faoi réir téarmaí agus coinníollacha.
Tacaíochtaí le fostaíocht a chruthú faoi thrácht
Is ríthábhachtach an rochtain ar scileanna cearta agus ar an tallann cheart i saol iomaíoch an ghnó.
Seo a leanas roinnt de na tacaíochtaí is mó ráchairt chun cabhrú leat daoine nua a fhostú agus foireann oilte a chur le chéile.
Cineál tacaíochta
ALL
Méid an ghnólachta
ALL
Gníomhaireacht tacaíochta
ALL
Tionscal
ALL
Loading...
Seirbhísí Earcaíochta INTREO
Do phointe teagmhála aonair do gach tacaíocht fostaíochta agus ioncaim
Is é Intreo Seirbhís Fostaíochta Poiblí na hÉireann a thairgeann seirbhísí agus tacaíochtaí fostaíochta praiticiúla sainoiriúnaithe d’fhostóirí.
D’fhéadfá a bheith incháilithe má:
- Tá gnólacht agat agus teastaíonn comhairle uait maidir le seirbhísí agus cláir earcaíochta agus fostaíochta.
Fóirdheontas JobsPlus
Deis fostaíochta a sholáthar do dhuine atá dífhostaithe
Is dreasacht airgeadais é JobsPlus chun fostóirí a spreagadh chun deiseanna fostaíochta a chur ar fáil do dhaoine atá dífhostaithe.
Gnólachtaí a bhfuil riachtanais earcaíochta acu ach a gcaithfidh siad costas na fostaíochta a bhainistiú.
D’fhéadfá a bheith incháilithe má:
- Tá tú cláraithe mar ghnólacht leis na Coimisinéirí Ioncaim agus tú cáin-chomhlíontach
- Chuireann tú fostaíocht lánaimseartha 30 uair sa tseachtain ar a laghad, thar 4 lá ar a laghad, ar fáil.
Tá incháilitheacht faoi réir téarmaí agus coinníollacha.
Scéim Fóirdheontais Pá
Tacaíocht airgeadais do ghnólachtaí a fhostaíonn daoine faoi mhíchumas
Tugann an Scéim Fóirdheontais Pá dreasachtaí airgeadais d’fhostóirí san earnáil phríobháideach chun daoine faoi mhíchumas a fhostú. Ní mór 15 uair an chloig in aghaidh na seachtaine nó níos mó a bheith i gceist leis an obair a chuirtear ar fáil; tá an fóirdheontas ar fáil le haghaidh suas le 39 uair sa tseachtain
Gnólachtaí a bhfuil riachtanais earcaíochta acu.
D’fhéadfá a bheith incháilithe má:
- Tá tú cláraithe mar ghnólacht leis na Coimisinéirí Ioncaim agus tú cáin-chomhlíontach
- Tá tú in ann conradh 6 mhí ar a laghad a chur ar fáil don fhostaí.
Tá incháilitheacht faoi réir téarmaí agus coinníollacha.
Deontais Fostaíochta
Cúnamh airgeadais chun poist a chruthú
Is deontas é seo chun an costas a bhaineann le foireann a fhostú ar bhonn lánaimseartha nó páirtaimseartha a chumhdaigh.
D’fhéadfá a bheith incháilithe má:
- Tá gnólacht beag go meánmhéide agat
- Tá do ghnólacht ag forbairt, ag leathnú agus lonnaithe i nGaeltacht
Tá incháilitheacht faoi réir téarmaí agus coinníollacha.
Tacaíocht do Phríomhbhainisteoirí – Údarás
Daoine a bhfuil na scileanna oiriúnacha acu a mhealladh agus a fhostú
Is ar dhaoine uaisle atá rath gnó bunaithe. Leis an deontas príomhbhainisteora seo, is féidir leat cúnamh a fháil le costas tuarastail ‘Príomhbhainisteoir’ – duine a bhfuil a scileanna de dhíth ionas go mbeidh rath ar do ghnólacht. Is samplaí de phoist Príomhbhainisteora iad an Príomhoifigeach Airgeadais, an Príomhoifigeach Teicneolaíochta, an Bainisteoir Taighde agus Forbartha, etc.
Gnólachtaí atá ag iarraidh na ceannairí is fearr a fhostú nó bearna tallainne a líonadh.
D’fhéadfá a bheith incháilithe má:
- Is cliant Údarás na Gaeltachta thú cheana féin
- Is cliant ionchasach d’Údarás na Gaeltachta thú a bhfuil gnólacht beag go meánmhéide á fheidhmiú agat
- Tá tú ag trádáil le 2 bhliain ar a laghad
Tá incháilitheacht faoi réir téarmaí agus coinníollacha.
Obair agus Rochtain
Tacaíochtaí airgeadais chun cabhrú le hionaid oibre a dhéanamh níos inrochtana
Is sraith tacaíochtaí é Obair agus Rochtain d’fhostóirí agus d’fhostaithe a bhfuil sé mar aidhm acu deireadh a chur le bacainní san ionad oibre do dhaoine faoi mhíchumas nó iad a laghdú.
Gnólachtaí atá ag déanamh a n-ionaid oibre níos inrochtana do dhaoine faoi mhíchumas.
D’fhéadfá a bheith incháilithe má:
- Tá gnólacht príobháideach, gnólacht pobail, gnólacht seachbhrabúsach nó gnólacht deonach agat in Éirinn
- Tá fostaíocht tairgthe agat do dhuine faoi mhíchumas agus beidh oiriúnuithe san ionad oibre ag teastáil ón duine sin chun tabhairt faoi dhualgais
- Tá fostaí agat a d’fhorbair tinneas, riocht nó lagú (gairme nó eile) a chuireann isteach ar a gcumas a c(h)uid oibre a dhéanamh
- Tá lucht saothair agat óna dteastaíonn oiliúint i réimse an Mhíchumais, an Chomhionannais agus an Chuimsithe
Tá incháilitheacht faoi réir téarmaí agus coinníollacha
Tacaíocht Maoinithe Fostaíochta
Líon na bhfostaithe i do ghnólacht a mhéadú
Is deontas fostaíochta é Tacaíocht Maoinithe Fostaíochta Fhiontraíocht Éireann a chabhraíonn le gnólachtaí a bhfuil acmhainneacht fáis acu poist nua a chruthú, trí thionscadail atá dírithe ar thrádáil idirnáisiúnta a mhéadú.
D’fhéadfá a bheith incháilithe má:
- Is Cliant d’Fhiontraíocht Éireann (FÉ) thú agus 10 bhfostaí nó níos mó agat
- Is cliant ionchasach d’Fhiontraíocht Éireann thú a bhfuil gnólacht beag go meánmhéide á fheidhmiú agat
- Tá tú ag trádáil le haghaidh dhá bhliain
Tá incháilitheacht faoi réir téarmaí agus coinníollacha.
Gairmeacha Turasóireachta
Linn tallainne a fhorbairt agus rochtain ar scileanna nua a fháil
Treoir agus acmhainní ar líne chun tacaíocht a thabhairt do ghnólachtaí le hearcú agus le coinneáil foirne agus le branda Fostóra dearfach agus ionchuimsitheach a fhorbairt, agus iad ag cur le cáil na turasóireachta agus an fáilteachais mar rogha ghairme thairbheach.
Gnólachtaí a bhfuil riachtanais earcaíochta acu ar spéis leo na fostaithe is fearr a mhealladh agus a choinneáil.
D’fhéadfá a bheith incháilithe más gnólacht thú atá ag feidhmiú i dtionscal fáilteachais agus turasóireachta na hÉireann, mar shampla:
- soláthraí lóistín (óstáin, leaba is bricfeasta, iostas féinfhreastail etc.)
- bialann nó caifé
- soláthraí gníomhaíochta (lena n-áirítear turais, nithe is díol spéise, gníomhaíochtaí eachtraíochta)
- gnólacht a bhaineann le turasóireacht (iompar, miondíol, eispéireas cultúrtha, féile)
Tá incháilitheacht faoi réir téarmaí agus coinníollacha.
An Clár um Thaithí Socrúcháin Oibre
Socrúcháin taithí oibre deonacha a chur ar fáil do chuardaitheoirí poist
Is clár deonach taithí oibre é an Clár um Thaithí Socrúcháin Oibre (CTSO) do chuardaitheoirí poist atá ag fáil íocaíocht cháilitheach leasa shóisialaigh faoi láthair agus atá dífhostaithe le sé mhí nó níos mó.
Gnólachtaí a thairgeann socrúcháin taithí oibre dheonacha.
D’fhéadfá a bheith incháilithe má:
- Tá tú cláraithe mar ghnólacht leis na Coimisinéirí Ioncaim agus tú cáin-chomhlíontach
- Tá fostaí lánaimseartha amháin agat ar a laghad atá fostaithe ar feadh 30 uair sa tseachtain ar a laghad.
- Is féidir leat eispéireas socrúcháin oibre struchtúrtha agus maoirsithe a chur ar fáil.
Tá incháilitheacht faoi réir téarmaí agus coinníollacha.
An Clár um Chuimsiú Sóisialta agus Gníomhachtú Pobail (CCSGP)
CCSGP 2024–2028 Tacú le Fiontair Shóisialta a leathnú chun aghaidh a thabhairt ar riachtanais chomhphobail
Soláthraíonn an Clár um Chuimsiú Sóisialta agus Gníomhachtú Pobail tacaíocht dhíreach airgeadais ar féidir léi difríocht shuntasach a dhéanamh do dhaoine tríd an gcúnamh airgeadais a theastaíonn uathu a thabhairt dóibh chun a gcuid smaointe gnó a chur i bhfeidhm. Tacaíonn CCSGP le bunú agus leathnú Fiontar Sóisialta chun aghaidh a thabhairt ar riachtanais phobail chomhchoiteanna, lena n-áirítear na daoine is imeallaithe a fhostú, rud a d’fhéadfadh bunú seirbhísí áitiúla a chothú nuair nach bhféadfadh fiontair eile a bheith in ann. Ó 2024 ar aghaidh, féadfaidh deontais aonuaire do Ghnólachtaí Nuathionscanta Fiontraíochta cabhrú le duine gnó a bhunú.
Tacaíonn CCSGP le raon grúpaí atá faoi mhíbhuntáiste agus grúpaí imeallaithe sa tsochaí, grúpaí nach bhfuil in ann rochtain a dhéanamh ar thacaíochtaí príomhshrutha nó nach dócha go ndéanfaidh siad rochtain ar a leithéid de thacaíochtaí.
D’fhéadfá a bheith incháilithe má:
- is duine aonair thú atá ag bunú gnólachta
- tá gnólacht agat atá ag feidhmiú agus samhail fiontar sóisialta in úsáid aige, samhail trína ngineann d’fhiontar maoiniú neamhphoiblí trí mhuirear a ghearradh ar earraí agus seirbhísí a sheachadtar
- Le bheith incháilithe le haghaidh tacaíochta, ní mór do FBanna a fhaigheann tacaíocht faoi CCSGP seirbhísí a sholáthar do cheann amháin nó níos mó de na 12 spriocghrúpa ainmnithe, lena n-áirítear deiseanna fostaíochta/oiliúna a sholáthar, agus/nó díriú ar aghaidh a thabhairt ar cheann amháin nó níos mó d’ocht réimse fócais théamacha an chláir.
Ba cheart do FBanna áitiúla teagmháil a dhéanamh leis an eagraíocht Cur Chun Feidhme Cláir is gaire dóibh (ar fáil ar shuíomh gréasáin Pobal) le haghaidh tuilleadh sonraí agus tacaíochta.
Tacaíochtaí leathnaithe faoi thrácht
Méadaigh do ghnólacht trí níos mó daoine a fhostú, trealamh breise a sholáthar nó infheistíocht a dhéanamh i saoráidí nua.
Seo cuid de na tacaíochtaí is coitianta chun cabhrú le do ghnólacht a mhéadú.
Cineál tacaíochta
ALL
Méid an ghnólachta
ALL
Gníomhaireacht tacaíochta
ALL
Tionscal
ALL
Loading...
SISF agus SIF
Airgead a bhailiú agus do ghnólacht a mhéadú
Cabhraíonn an Scéim Infheistíochta Fiontair (SIF) le cuideachtaí atá níos lú agus a bhfuil riosca níos airde acu ó thaobh trádála chun airgeadas a chruinniú trí fhaoiseamh cánach a thairiscint d’infheisteoirí a cheannaíonn scaireanna nua.
Beidh ar chuideachta atá ag lorg airgeadais tríd an Scéim Infheistíochta Síolfhiontraíochta (SISF) nó SIF dearbhú roimh ré a fháil ó HMRC go gcáilíonn an chuideachta, a trádáil agus a scaireanna. Tabharfaidh sé seo
sólás d’infheisteoirí ionchasacha gur cheart go gcáileoidh an chuideachta d’fhaoiseamh SISF/SIF.
D’fhéadfá a bheith incháilithe má:
- Is cuideachta theoranta thú atá cláraithe
- Tá tú ag trádáil le suas le 7 mbliana
- Tá tú i dtrádáil cháilitheach
- Tá sé beartaithe agat an infheistíocht a chaitheamh ar thrádáil cháilitheach
(Is féidir le cuideachtaí neamh-RA leas a bhaint as an Scéim Infheistíochta Fiontair (SIF) agus as an Scéim Infheistíochta Síolfhiontraíochta (SISF) má chomhlíonann siad na critéir atá leagtha amach ag HMRC chun cáiliú agus, rud atá tábhachtach, má tá buanbhunaíocht acu in RA.)
Iasacht Leathnaithe
Iasacht ar chostas íseal chun do ghnólacht a fhás
Is iasacht ar mhionscála é seo chun pleananna a mhaoiniú chun do ghnólacht a leathnú.
D’fhéadfá a bheith incháilithe má:
- Tá gnólacht seanbhunaithe agat
- Tá níos lú ná deichniúr fostaithe lánaimseartha ag do ghnólacht
- Tá láimhdeachas bliantúil níos lú ná €2 mhilliún ag do ghnólacht
- Bhí sé deacair ar do ghnólacht airgead a fháil ar iasacht ó na bainc
- Tá cónaí ort in Éirinn
Tá incháilitheacht faoi réir téarmaí agus coinníollacha.
Omnibus – Suirbhé ar Líne Ionadaíoch go Náisiúnta
Léargais mhargaidh agus roghanna custaiméirí a úsáid le cinntí eolasacha a dhéanamh
Déan rochtain ar phainéal ar líne a léiríonn an daonra náisiúnta, a chuirtear ar fáil i gcomhpháirtíocht le Bord Bia agus gníomhaireacht taighde neamhspleách, in Éirinn agus go hidirnáisiúnta araon. (Braitheann costais ar líon na gceisteanna, ó sheiceálacha bunúsacha go praghsáil agus úsáid.)
Gnólachtaí bia nó dí atá ag iarraidh freagraí gasta ar a gcatagóir táirgí nó ar cheisteanna gaolmhara.
D’fhéadfá a bheith incháilithe má:
- Is cliant Bhord Bia thú
Tá incháilitheacht faoi réir téarmaí agus coinníollacha.
Taighde agus Léargais Turasóireachta
Rathú sa turasóireacht le taighde agus léargais Fáilte Éireann.
Déan cinntí níos fearr chun cabhrú le rath a bheith ort sa turasóireacht a bhuí le taighde agus le léargais Fáilte Éireann.
Déan do ghnólacht turasóireachta a leathnú, a fhorbairt nó a sheoladh nó déan infheistíocht ann agus taighde Fáilte Éireann in úsáid agat. Bíodh tuiscint agat ar do chustaiméirí, déan rochtain ar shonraí an tionscail, agus déan cinntí straitéiseacha ar mhaithe le rathúlacht. Déan tuairiscí ar threochtaí, eacnamaíocht agus forbairt táirgí a iniúchadh. D’acmhainn úsáideach, chuimsitheach le haghaidh pleanáil eolasach agus éagsúlú.
D’fhéadfá a bheith incháilithe má:
- Tá gnólacht turasóireachta nó infheistíochta á fheidhmiú nó á phleanáil agat
- Tá tú i do ghníomhaireacht phoiblí nó páirtí leasmhar poiblí nó príobháideach a bhaineann leis an turasóireacht agus le forbairt ceann scríbe.
- Tá gnólacht agat atá mar chuid den slabhra soláthair turasóireachta nó a bhraitheann air
Tá incháilitheacht faoi réir téarmaí agus coinníollacha.
Taighde Saincheaptha
Léargais spriocdhírithe a fháil le haghaidh cinntí eolacha gnó
Soláthraíonn an tacaíocht seo treoir maidir le taighde, smaointeoireacht straitéiseach agus bainistíocht tionscadail do ghnólachtaí bia agus dí.
Gnólachtaí bia nó dí atá ag iarraidh a mbranda a neartú agus a n-iomaíochas a mhéadú i margaí baile agus idirnáisiúnta.
D’fhéadfá a bheith incháilithe má:
- Is cliant Bhord Bia thú
Tá incháilitheacht faoi réir téarmaí agus coinníollacha.
Léargas ar Thionscal Bia Mara na hÉireann
Léargais ar Thionscal Bia Mara na hÉireann
Soláthraíonn BIM léargais ar raon ábhar agus earnálacha sa tionscal bia mara lena n-áirítear iascaireacht agus dobharshaothrú.
D’fhéadfá a bheith incháilithe má:
- Is gnó thú a bhfuil spéis agat san earnáil bia mara
Deontais Chaipitil
Cabhair airgeadais chun infheistíocht a dhéanamh i sócmhainní tosaigh
Soláthraíonn an tacaíocht seo cúnamh do ghnólachtaí a dhéanann infheistíocht tosaigh i ‘sócmhainní ábhartha’ amhail foirgnimh nó trealamh, nó ‘sócmhainní neamhábhartha’ amhail aistriú teicneolaíochta trí chearta paitinne, ceadúnais, fios gnó nó eolas teicniúil gan phaitinn a fháil.
D’fhéadfá a bheith incháilithe má:
- Tá gnólacht beag go meánmhéide agat
- Tá do ghnólacht ag forbairt, ag leathnú agus lonnaithe i nGaeltacht
Tá incháilitheacht faoi réir téarmaí agus coinníollacha.
SuperBrands
Déan do bhranda a fhás trí úsáid a bhaint as cur chuige ceaptha comhtháite
Cabhraíonn SuperBrands le gnólachtaí bia agus dí tuiscint a fháil ar an gcaoi a mbraitheann tomhaltóirí ar a mbranda agus ar a n-iomaitheoirí, agus cabhraíonn siad leo teacht ar thairiscint dá mbranda le tomhaltóirí in Éirinn agus sa Ríocht Aontaithe.
Gnólachtaí beaga go meánmhéide bia agus dí atá ag iarraidh a mbranda reatha a athcheaptha nó branda nua a fhorbairt.
D’fhéadfá a bheith incháilithe má:
- Is cliant Bhord Bia thú
- Tá láimhdeachas bliantúil níos lú ná €5 mhilliún agat
Tá incháilitheacht faoi réir téarmaí agus coinníollacha.
Clár Cúnaimh Margaíochta
Tacaíocht airgeadais a fháil do raon gníomhaíochtaí margaíochta
Tacaíonn an clár seo le táirgeoirí bia, dí agus gairneoireachta na hÉireann fás a spreagadh agus dul isteach i margaí nua trí dheontais a sholáthar do raon gníomhaíochtaí margaíochta.
Gnólachtaí bia nó dí a dteastaíonn cabhair uathu chun na costais a bhaineann le margaíocht, le taighde agus le dul isteach i margaí idirnáisiúnta nua a chumhdach.
D’fhéadfá a bheith incháilithe má:
- Is cliant Bhord Bia thú
- Tá láimhdeachas idir €100,000 agus €3.5 milliún agat
Tá incháilitheacht faoi réir téarmaí agus coinníollacha.
Tacaíocht Staidéir Indéantachta
Fiosrú an n-oibreoidh do smaoineamh gnó
Is féidir leis an gciste seo cabhrú le bonn láidir a chur faoi d’fhiontar nua, rud a mhéadóidh an seans go n-éireoidh leat i margadh iomaíoch.
Gnólachtaí beaga a bhfuil smaoineamh nua acu agus atá ag iarraidh a thuiscint an bhféadfadh sé a bheith rathúil trí thaighde agus pleanáil.
D’fhéadfá a bheith incháilithe má:
- Fhostaíonn tú suas le deichniúr
- Tá do ghnólacht reatha cláraithe agus ag feidhmiú in Éirinn
Tá incháilitheacht faoi réir téarmaí agus coinníollacha.