Tréimhse iontach í do ghnólacht féin a thosú, agus cuirimid tacaíocht ar fáil d’fhiontraithe ardaidhmeannacha agus do ghnólachtaí nuathionscanta. Sa chuid seo, gheobhaidh tú eolas maidir le raon roghanna tacaíochta, ó thaighde a dhéanamh ar do smaoineamh go saineolas a fháil, ionas gur féidir leat do smaoineamh a chothú agus a bhaint amach.
Is cuma más gnólacht nuathionscanta nuálach a bhfuil pleananna móra domhanda aige thú nó más díreach ag cur tús le fiontar gnó agus ag díriú ar an margadh intíre atá tú, seo thíos acmhainní úsáideacha chun cabhrú leat tús a chur le d’aistear.
Conas is féidir linn cabhrú?
Tús a chur le do ghnólacht
![Domestic Home Hero [Picture]_data](data:image/png;base64,iVBORw0KGgoAAAANSUhEUgAAAAEAAAABCAQAAAC1HAwCAAAAC0lEQVR42mNkYAAAAAYAAjCB0C8AAAAASUVORK5CYII=)
Cad ba mhaith leat a dhéanamh?
Tacaíochtaí forbartha faoi thrácht
Is le smaoineamh maith a chuirtear tús le gnólacht a bhunú ach ní mór taighde, pleanáil agus an tacaíocht cheart a thabhairt chun an gnólacht sin a fhíorú.
Seo cuid de na tacaíochtaí is coitianta chun cabhrú leat do smaoineamh a thástáil agus a bheachtú, comhairle shaineolach a fháil, agus bonn láidir a thógáil ar mhaithe le rath fadtéarmach a bhaint amach.
Cineál tacaíochta
ALL
Méid an ghnólachta
ALL
Gníomhaireacht tacaíochta
ALL
Tionscal
ALL
Loading...
Ionad Taighde Margaidh
Sonraí margaidh a úsáid chun cinntí gnó níos fearr a dhéanamh
Cabhraíonn Ionad Taighde Margaidh Fhiontraíocht Éireann le gnólachtaí sonraí a bhailiú chun treochtaí, rath féideartha agus dúshláin i margadh a fháil amach. Bunaithe ar na sonraí sin, is féidir le gnólachtaí roghanna níos cliste a dhéanamh agus scileanna luachmhara taighde margaidh a fháil.
Gnólachtaí atá ag smaoineamh ar fhorbairt agus atá ag iarraidh taighde a dhéanamh chun na deiseanna margaidh a thuiscint.
D’fhéadfá a bheith incháilithe má:
- Is cliant d’Fhiontraíocht Éireann (FÉ) thú cheana féin
- Is gnólacht Éireannach thú nach cliant é go fóill (d’fhéadfadh táillí breise a bheith le híoc agat áfach)
Tá incháilitheacht faoi réir téarmaí agus coinníollacha.
Seirbhísí Earcaíochta INTREO
Do phointe teagmhála aonair do gach tacaíocht fostaíochta agus ioncaim
Is é Intreo Seirbhís Fostaíochta Poiblí na hÉireann a thairgeann seirbhísí agus tacaíochtaí fostaíochta praiticiúla sainoiriúnaithe d’fhostóirí.
D’fhéadfá a bheith incháilithe má:
- Tá gnólacht agat agus teastaíonn comhairle uait maidir le seirbhísí agus cláir earcaíochta agus fostaíochta.
LearniFI – Ardán Foghlama Fáilte Éireann
Ardán ríomhfhoghlama do ghnólachtaí Turasóireachta agus Fáilteachais
Tairseach foghlama ina bhfuil níos mó ná 150 cúrsa, chomh maith le forbairt gnó, forbairt gairme agus oiliúint bainistíochta ó shaineolaithe tionscail.
Gnólachtaí atá ag lorg deiseanna chun scileanna a bhfostaithe a fhorbairt agus éifeachtúlacht iomlán a fheabhsú.
D’fhéadfá a bheith incháilithe más gnólacht thú atá ag feidhmiú i dtionscal fáilteachais agus turasóireachta na hÉireann, mar shampla:
- soláthraí lóistín (óstáin, leaba is bricfeasta, iostas féinfhreastail)
- bialann nó caifé
- soláthraí gníomhaíochta (turais, nithe is díol spéise, gníomhaíochtaí eachtraíochta)
- gnólachtaí a bhaineann le turasóireacht (iompar, miondíol, eispéiris chultúrtha, pleanáil féile)
Tá incháilitheacht faoi réir téarmaí agus coinníollacha.
Mol Tacaíochta Gnó
Sainchomhairle a fháil faoi ghnólacht turasóireachta a reáchtáil in Éirinn
Áirítear leis an raon leathan acmhainní ar líne seo treoracha féinchabhrach, áireamháin acmhainní gnó agus airgeadais, teimpléid, comhairle agus rochtain ar oiliúint. Faigh rochtain ar léargais, ar threochtaí, ar an taighde agus na tuarascálacha turasóireachta is déanaí, agus ar shainchomhairle, rudaí a forbraíodh i gcomhairle le saineolaithe tionscail chun freastal ar do chuid riachtanas.
Gnólachtaí ar mian leo a gcumas gnó, a bhfeidhmíocht agus a scileanna foirne a fhorbairt chun fanacht iomaíoch agus/nó fás.
D’fhéadfá a bheith incháilithe más gnólacht thú atá ag feidhmiú i dtionscal fáilteachais agus turasóireachta na hÉireann, mar shampla:
- soláthraí lóistín (óstáin, leaba is bricfeasta, iostas féinfhreastail)
- bialann nó caifé
- soláthraí gníomhaíochta (turais, nithe is díol spéise, gníomhaíochtaí eachtraíochta)
- gnólachtaí a bhaineann le turasóireacht (iompar, miondíol, eispéiris chultúrtha, pleanáil féile)
Tá incháilitheacht faoi réir téarmaí agus coinníollacha.
Creidmheas Cánach Corparáide Taighde agus Forbartha (T&F)
Creidmheas cánach le haghaidh caiteachais ar ghníomhaíochtaí taighde agus forbartha (T&F)
Is féidir leis an gCreidmheas Cánach T&F cabhrú le do ghnólacht tabhairt faoi thionscadail taighde agus forbartha agus cur le nuálaíocht agus táirgiúlacht.
D’fhéadfá a bheith incháilithe má:
- dhéanann an chuideachta gníomhaíochtaí cáilitheacha T&F in Éirinn, sa Limistéar Eorpach Eacnamaíoch (LEE) nó sa Ríocht Aontaithe, agus
- tá sí laistigh réim Cánach Corparáide in Éirinn. Féadfaidh cuideachta cáiliú don Chreidmheas Cánach Corparáide T&F má chomhlíonann a gníomhaíochtaí T&F na critéir seo a leanas:
- bíonn gníomhaíochtaí córasacha, imscrúdaitheacha nó turgnamhacha i gceist leo
- tá siad i réimse na heolaíochta nó na teicneolaíochta;
- baineann siad le ceann amháin, nó níos mó, de na catagóirí T&F seo: taighde bunúsach, taighde feidhmeach nó forbairt thurgnamhach;
- féachann siad le dul chun cinn eolaíoch nó teicneolaíochta a bhaint amach; agus
- baineann siad le réiteach éiginnteachta eolaíochta nó teicneolaíochta.
https://www.revenue.ie/ga/companies-and-charities/reliefs-and-exemptions/research-and-development-rd-tax-credit/index.aspx
Taighde, Comhairle agus Oiliúint maidir le Bia
Comhairle, comhairleoireacht agus oiliúint i raon gníomhaíochtaí teicniúla
Soláthraíonn Teagasc comhairle, sainchomhairleoireacht agus oiliúint i raon leathan gníomhaíochtaí teicniúla lena n-áirítear forbairt táirgí agus próisis, áiseanna gléasra, comhlíonadh reachtaíochta agus cóid chleachtais, sábháilteacht bia agus córais bainistíochta cáilíochta.
D’fhéadfá a bheith incháilithe má:
- Is úinéir nó bainisteoir thú atá ag iarraidh uasoiliúint a dhéanamh.
- Is fiontraí thú a bhfuil spéis agat i ngnólacht bia a thosú agus comhairle agus oiliúint a lorg.
- Is cuideachta bhia sheanbhunaithe thú atá ag iarraidh scileanna agus eolas a lucht saothair a fheabhsú.
- Is gnólacht nuathionscanta bia thú a dteastaíonn oiliúint bhunúsach uaidh.
Tá incháilitheacht faoi réir téarmaí agus coinníollacha.
Clár Curadh
Feabhsaigh seirbhís do chustaiméirí agus eolas áitiúil do ghnólachta turasóireachta leis an gClár SAOR IN AISCE seo.
Cúrsa oiliúna i láthair go pearsanta ar sheirbhís chuimsitheach do chustaiméirí agus eolas ar tháirgí turasóireachta áitiúla a sheachadtar go pearsanta ag go leor suíomhanna ar fud na tíre, chun tacú le baill foirne a bhfuil baint acu le cuairteoirí turasóireachta.
D’fhéadfá a bheith incháilithe má:
- Is Gairmí Turasóireachta agus Fáilteachais thú: Úinéirí gnó, bainisteoirí agus baill foirne túslíne a bhfuil baint dhíreach acu leis an tionscal.
- Nó Tacadóirí Eispéireas Cuairteora: Gnólachtaí a thairgeann seirbhísí a chuireann le heispéireas an chuairteora, amhail iompar poiblí agus príobháideach (seirbhísí tacsaí, tiománaithe, etc.), Cíos trealaimh agus feithiclí (saoire, eachtraíochta) agus foireann imeachtaí agus oibrithe deonacha (féilte, etc.)
- Go hachomair, is féidir le haon duine a chuireann le heispéireas dearfach cuairteoirí san earnáil turasóireachta agus fáilteachais leas a bhaint as an gclár seo.
Tá incháilitheacht faoi réir téarmaí agus coinníollacha.
Tacaíochtaí maoinithe faoi thrácht
Bíonn gá leis an tacaíocht airgeadais ceart chun do smaoineamh gnó a bhaint amach. Is cuma más díreach ag cur tús le d’aistear gnó atá tú nó má tá tú ag iarraidh do ghnó a fhás, cabhróidh maoiniú leat an chéad chéim eile a ghlacadh.
Seo roinnt tacaíochtaí chun cabhrú leat rochtain a fháil ar dheontais, sreabhadh airgid a bhainistiú, agus infheistíocht a fháil do do ghnólacht nuathionscanta.
Cineál tacaíochta
ALL
Méid an ghnólachta
ALL
Gníomhaireacht tacaíochta
ALL
Tionscal
ALL
Loading...
Clár Forbartha Tuaithe LEADER
An Clár um Fhorbairt Tuaithe (LEADER): Tionscadail a Mhaoiniú le haghaidh Fás Eacnamaíoch, Bonneagar Tuaithe agus Athléimneacht Aeráide
Ó seoladh LEADER in 1991, tá na hacmhainní curtha ar fáil aige do phobail tuaithe ar fud an AE chun cur ar chumas comhpháirtithe áitiúla páirt ghníomhach a ghlacadh i bhforbairt áitiúil a gceantar, trí fhorbairt áitiúil faoi stiúir an phobail. Glacann an Clár um Fhorbairt Tuaithe 2023–2027 le hiarratais atá bunaithe ar thionscadail a fheabhsaíonn:
• Forbairt Eacnamaíoch agus Cruthú Fostaíochta
• Bonneagar Tuaithe agus Cuimsiú Sóisialta
• Forbairt Inbhuanaithe na Timpeallachta Tuaithe agus Maolú ar an Athrú Aeráide agus Oiriúnú don athrú sin
D’fhéadfá a bheith incháilithe má:
- tá d’fhiontair (fiontar sóisialta san áireamh) suite i gceantar tuaithe – sainmhínithe mar ‘gach áit in Éirinn seachas na limistéir laistigh de theorainneacha na gcúig phríomhchathair, Baile Átha Cliath, Corcaigh, Luimneach, Port Láirge agus Gaillimh’
- Chun go mbeidh tionscadal incháilithe do mhaoiniú LEADER, caithfidh sé a bheith comhoiriúnach do na gníomhartha atá leagtha amach sa Straitéis Forbartha Áitiúil fhormheasta don limistéar ábhartha LEADER, agus ní mór dó na Rialacha Oibriúcháin agus Rialacháin an AE atá i bhfeidhm don chlár a chomhlíonadh
Ciste Breise Náisiúnta le haghaidh an Léirithe
Tá an iasacht bhreise léiriúcháin seo le haghaidh tionscadail atá i mbun léiriúchán a dhéanamh i gceantair in Éirinn atá níos mó ná 65km ó Ard-Oifig an Phoist Bhaile Átha Cliath.
Ní mór d’iarmhéid a gcuid airgid a bheith deimhnithe go hiomlán ag léiriúcháin tráth an iarratais. Caithfidh rannpháirtíocht fhóinteach fhoireann na hÉireann i ngach grád a bheith i gceist i gcás gach iarratais agus ní mór cláir a bheith san áireamh a thacaíonn le hiontrálaithe nua, breisoiliúint, inbhuanaitheacht, éagsúlacht agus cuimsiú i gceantair na hÉireann atá níos mó ná 65km ó Ard-Oifig an Phoist Bhaile Átha Cliath
D’fhéadfá a bheith incháilithe má:
- Tá tú i do chuideachta léiriúcháin Éireannach (cuideachta léiriúcháin atá cláraithe i bPoblacht na hÉireann a bhfuil oifig agus foireann aici atá lonnaithe i bPoblacht na hÉireann) maidir le léiriúcháin atá ag smaoineamh ar léiriú i suíomhanna ábhartha i bPoblacht na hÉireann.
Tá léiriúcháin nár cuireadh tús le príomhghrianghrafadóireacht/príomhbheochan iontu go fóill i dteideal cur isteach ar an maoiniú seo.
Maoiniú Próiseála Bia Mara
Maoiniú do Thionscal Próiseála Bia Mara na hÉireann
Is é an Ciste Eorpach Muirí, Iascaigh agus Dobharshaothraithe (CEMID) 2021–2027 an príomhchlár maoinithe don earnáil bia mara. Tá sé cómhaoinithe ag Rialtas na hÉireann agus an AE
D’fhéadfá a bheith incháilithe má:
Is iarratasóir thú, ar FBM próiseála ar tír mór thú, agus má tá uimhir formheasa an Chomhaontaithe Comhpháirtíochta Iascaigh Inbhuanaithe (CCII) agat le cód gníomhaíochta Gléasra Táirgí Úra Iascaigh (GTÚI) nó Gléasra Próiseála (GP)
Tá incháilitheacht faoi réir téarmaí agus coinníollacha.
Iasacht do Ghnólachtaí Nuathionscanta
Iasacht do Ghnólachtaí Nuathionscanta
Tacaíonn sé le bunú agus céim luath gnólachta nua suas go 18 mí
D’fhéadfá a bheith incháilithe má:
- Tá gnólacht á bhunú agat nó má tá tú i mbun gnó ar feadh níos lú ná 18 mí
- Tá níos lú ná deichniúr fostaithe lánaimseartha ag do ghnólacht
- Tá láimhdeachas bliantúil níos lú ná €2 mhilliún ag do ghnólacht
- Bhí sé deacair ar do chuideachta airgead a fháil ar iasacht ó na bainc
- Tá cónaí ort in Éirinn
Tacaíochtaí fáis faoi thrácht
Féadann sé a bheith scanrúil do ghnólacht a thabhairt go dtí an chéad leibhéal eile. Mar sin féin, má tá an tacaíocht agus an treoir cheart ar fáil duit, is féidir leat fás ar bhealach níos éifeachtúla agus margaí nua a bhaint amach.
Seo cuid de na tacaíochtaí is coitianta chun cabhrú le do ghnólacht nuathionscanta a fhás, cuíchóiriú a dhéanamh ar oibríochtaí agus raon do chustaiméirí a mhéadú
Cineál tacaíochta
ALL
Gníomhaireacht tacaíochta
ALL
Méid an ghnólachta
ALL
Tionscal
ALL
Loading...
Maoiniú Iascaigh
Maoiniú do Thionscal Iascaigh na hÉireann
Is é an Ciste Eorpach Muirí, Iascaigh agus Dobharshaothraithe (CEMID) 2021–2027 an príomhchlár maoinithe don earnáil bia mara. Tá sé cómhaoinithe ag Rialtas na hÉireann agus an AE
D’fhéadfá a bheith incháilithe má:
Tá iascach cósta ar scála beag agat agus soithí suas le 24 méadar, agus cuireann tú an dobharshaothrú chun cinn freisin.
Tá incháilitheacht faoi réir téarmaí agus coinníollacha.
Maoiniú Dobharshaothraithe
Maoiniú do Thionscal Dobharshaothraithe na hÉireann
Is é an Ciste Eorpach Muirí, Iascaigh agus Dobharshaothraithe (CEMID) 2021–2027 an príomhchlár maoinithe don earnáil bia mara. Tá sé cómhaoinithe ag Rialtas na hÉireann agus an AE.
D’fhéadfá a bheith incháilithe má:
- Is iontrálaí nua thú in earnáil bia mara na hÉireann nó má tá tú fostaithe san earnáil faoi láthair más mian leat uasoiliúint a dhéanamh
Tá incháilitheacht faoi réir téarmaí agus coinníollacha.
Dearbhán Grow Digital
Tacaíocht airgeadais chun glacadh leis an teicneolaíocht dhigiteach
Tairgeann dearbhán Grow Digital tacaíocht airgeadais ionas gur féidir le do ghnólacht glacadh le teicneolaíocht dhigiteach
D’fhéadfá a bheith incháilithe má:
- Tá gnólacht bunaithe agat atá ag trádáil ar feadh 6 mhí ar a laghad, gnólacht atá cláraithe agus atá ag feidhmiú laistigh de limistéar na hOifige Fiontair Áitiúil
Iasacht Sreabhaidh Airgid
Iasacht ar chostas íseal chun tacú le sreabhadh airgid
Is iasacht ar scála beag é seo chun tacú le do ghnólacht a reáchtáil ó lá go lá.
D’fhéadfá a bheith incháilithe má:
- Tá gnólacht seanbhunaithe agat
- Tá níos lú ná deichniúr fostaithe lánaimseartha ag do ghnólacht
- Tá láimhdeachas bliantúil níos lú ná €2 mhilliún ag do ghnólacht
- Bhí sé deacair ar do chuideachta airgead a fháil ar iasacht ó na bainc
- Tá cónaí ort in Éirinn
Tá incháilitheacht faoi réir téarmaí agus coinníollacha.
Scéim Fóirdheontais Pá
Tacaíocht airgeadais do ghnólachtaí a fhostaíonn daoine faoi mhíchumas
Tugann an Scéim Fóirdheontais Pá dreasachtaí airgeadais d’fhostóirí san earnáil phríobháideach chun daoine faoi mhíchumas a fhostú. Ní mór 15 uair an chloig in aghaidh na seachtaine nó níos mó a bheith i gceist leis an obair a chuirtear ar fáil; tá an fóirdheontas ar fáil le haghaidh suas le 39 uair sa tseachtain
Gnólachtaí a bhfuil riachtanais earcaíochta acu.
D’fhéadfá a bheith incháilithe má:
- Tá tú cláraithe mar ghnólacht leis na Coimisinéirí Ioncaim agus tú cáin-chomhlíontach
- Tá tú in ann conradh 6 mhí ar a laghad a chur ar fáil don fhostaí.
Tá incháilitheacht faoi réir téarmaí agus coinníollacha.
Get Exporting
Do chonair forbartha onnmhairithe
Tá Get Exporting deartha chun tacú le gnólachtaí ag gach céim dá n-aistear díolacháin onnmhairithe nua a bhaint amach. Trínár gConair Onnmhairithe Trádála, tá sé mar aidhm againn an t-aistear onnmhairithe a shimpliú agus cabhrú leat an t-eolas, an mhuinín agus na straitéisí a fhorbairt a theastaíonn le go n-éireoidh leat i margaí domhanda.
D’fhéadfá a bheith incháilithe má:
- Tá cuideachta seirbhísí déantúsaíochta agus trádála idirnáisiúnta Éireannach agat
- Tá níos lú ná €10k agat i ndíolacháin onnmhairithe domhanda in aghaidh na bliana le dhá bhliain anuas
- Gealltanas ag teastáil ón bPríomhfheidhmeannach agus/nó ó bhall den Fhoireann Shinsearach Ceannaireachta
Tá incháilitheacht faoi réir téarmaí agus coinníollacha
An Clár um Thaithí Socrúcháin Oibre
Socrúcháin taithí oibre deonacha a chur ar fáil do chuardaitheoirí poist
Is clár deonach taithí oibre é an Clár um Thaithí Socrúcháin Oibre (CTSO) do chuardaitheoirí poist atá ag fáil íocaíocht cháilitheach leasa shóisialaigh faoi láthair agus atá dífhostaithe le sé mhí nó níos mó.
Gnólachtaí a thairgeann socrúcháin taithí oibre dheonacha.
D’fhéadfá a bheith incháilithe má:
- Tá tú cláraithe mar ghnólacht leis na Coimisinéirí Ioncaim agus tú cáin-chomhlíontach
- Tá fostaí lánaimseartha amháin agat ar a laghad atá fostaithe ar feadh 30 uair sa tseachtain ar a laghad.
- Is féidir leat eispéireas socrúcháin oibre struchtúrtha agus maoirsithe a chur ar fáil.
Tá incháilitheacht faoi réir téarmaí agus coinníollacha.
Obair agus Rochtain
Tacaíochtaí airgeadais chun cabhrú le hionaid oibre a dhéanamh níos inrochtana
Is sraith tacaíochtaí é Obair agus Rochtain d’fhostóirí agus d’fhostaithe a bhfuil sé mar aidhm acu deireadh a chur le bacainní san ionad oibre do dhaoine faoi mhíchumas nó iad a laghdú.
Gnólachtaí atá ag déanamh a n-ionaid oibre níos inrochtana do dhaoine faoi mhíchumas.
D’fhéadfá a bheith incháilithe má:
- Tá gnólacht príobháideach, gnólacht pobail, gnólacht seachbhrabúsach nó gnólacht deonach agat in Éirinn
- Tá fostaíocht tairgthe agat do dhuine faoi mhíchumas agus beidh oiriúnuithe san ionad oibre ag teastáil ón duine sin chun tabhairt faoi dhualgais
- Tá fostaí agat a d’fhorbair tinneas, riocht nó lagú (gairme nó eile) a chuireann isteach ar a gcumas a c(h)uid oibre a dhéanamh
- Tá lucht saothair agat óna dteastaíonn oiliúint i réimse an Mhíchumais, an Chomhionannais agus an Chuimsithe
Tá incháilitheacht faoi réir téarmaí agus coinníollacha
Ciste Fionnachtana Margaidh
Taighde margaidh a dhéanamh agus plean a fhorbairt chun dul isteach i margaí nua
Is deontas forbartha onnmhairíochta é Ciste Fionnachtana Margaidh Fhiontraíocht Éireann a thacaíonn le gnólachtaí atá ag iarraidh deiseanna margaidh nua a iniúchadh.
Gnólachtaí atá ag beartú dul isteach i margaí idirnáisiúnta nua, nó atá ag iarraidh táirgí nó seirbhísí nua a thabhairt isteach i margaí reatha.
D’fhéadfá a bheith incháilithe má:
- Is cliant d’Fhiontraíocht Éireann (FÉ) thú cheana féin
- Is cliant ionchasach FE thú a bhfuil gnólacht beag go meánmhéide nó mór á fheidhmiú agat
- Tá tú ag trádáil le 5+ bliana agus tá ioncam bliantúil de €500K ar a laghad agat
Tá incháilitheacht faoi réir téarmaí agus coinníollacha.
Scéim Feirmeoireachta Orgánaí
Soláthraíonn an scéim tacaíocht airgeadais d’fheirmeoirí chun táirgeadh bianna orgánacha a spreagadh
Clár a thugann tacaíocht airgeadais d’fheirmeoirí atá ag aistriú go cleachtais feirmeoireachta orgánaí nó atá ag leanúint ar aghaidh. Is iad spriocanna na scéime táirgeadh bia orgánach a spreagadh, tionchar comhshaoil na feirmeoireachta a laghdú agus leas ainmhithe a fheabhsú.
D’fhéadfá a bheith incháilithe má:
- Is iarratasóir thú atá ag iarraidh beostoc agus táirgí barr a tháirgeadh de réir chaighdeáin orgánacha an AE agus tá cúrsa oiliúna ceadaithe críochnaithe agat