Fógra Cosanta Sonraí don Mhol Náisiúnta Fiontair  

An nuashonrú is déanaí: An ¹⁸ Aibreán 2024 

1. CUSPÓIR AN FHÓGRA COSANTA SONRAÍ SEO 

Fáilte chuig an Mol Náisiúnta Fiontair. Soláthraíonn an Mol Náisiúnta Fiontair pointe teagmhála láraithe do ghnólachtaí Éireannacha chun foghlaim faoi thacaíochtaí Rialtais thar raon gníomhaireachtaí Rialtais. Is tionscnamh é seo atá á reáchtáil ag Fiontraíocht Éireann thar ceann na Roinne Fiontair, Trádála agus Fostaíochta. 

Tugtar le chéile sa Mhol Náisiúnta Fiontair comhairle agus faisnéis do Ghnólachtaí Éireannacha ó na gníomhaireachtaí agus na ranna seo a leanas: 

• An Roinn Airgeadais 

• An Roinn Coimirce Sóisialaí 

• Comhairle Dearaidh agus Ceardaíochta na hÉireann 

• Fáilte Éireann 

• Údarás Sábháilteachta Bia na hÉireann 

• Foodworks 

• InterTrade 

• Oifig Fiontair Áitiúil 

• MicroFinance 

• Corparáid Baincéireachta Straitéiseach na hÉireann (CBSÉ)  

• Údarás Fuinnimh Inmharthana na hÉireann (ÚFIÉ) 

• Skillnet 

• Teagasc 

• Údarás na Gaeltachta 

Baineann an Fógra Cosanta Sonraí seo le Sonraí Pearsanta a d’fhéadfaí a phróiseáil nuair a théann tú i dteagmháil le Fiontraíocht Éireann tríd an Mol Náisiúnta Fiontair.   

Gheobhaidh tú fógraí Cosanta Sonraí eile de chuid Fhiontraíocht Éireann anseo. 

Ciallaíonn “Sonraí Pearsanta” aon fhaisnéis a bhaineann le duine nádúrtha sainaitheanta nó in-sainaitheanta (‘duine is ábhar do na sonraí’); is é is duine nádúrtha in-sainaitheanta ann duine is féidir a shainaithint, go díreach nó go hindíreach, go háirithe trí thagairt a dhéanamh d’aitheantóir amhail ainm, uimhir aitheantais, sonraí suímh, aitheantóir ar líne nó ceann amháin nó níos mó de thosca a bhaineann go sonrach le céannacht fhisiceach, fhiseolaíoch, ghéiniteach, mheabhrach, eacnamaíoch, chultúrtha nó shóisialta an duine nádúrtha sin. 

Déantar cur síos san Fhógra Cosanta Sonraí seo ar ár gcur chuige maidir le cosaint sonraí agus leagtar amach san Fhógra an bonn ar a bhféadfar úsáid a bhaint as na Sonraí Pearsanta a bhailímid uait, nó a thugann tú dúinn, más ann dóibh, nuair is rialaitheoirí na Sonraí Pearsanta sin muid chun críocha RGCS. Léigh an Fógra Cosanta Sonraí seo go cúramach chun tuiscint a fháil ar ár dtuairimí agus ár gcleachtais maidir leis na Sonraí Pearsanta a bhailímid, mar rialaitheoirí faoin RGCS, agus ar an gcaoi a gcaithfimid leis na sonraí sin. 

2. CÉ LENA mBAINEANN AN FÓGRA COSANTA SONRAÍ SEO 

Soláthraíonn an Fógra Cosanta Sonraí seo faisnéis shonrach maidir leis na daoine seo a leanas a ndéanaimid próiseáil ar a Sonraí Pearsanta: 

1. sonraí teagmhála na ngnólachtaí a bhaineann leis na tacaíochtaí a sholáthraíonn “Teagmhálaithe Gnó” an Mhoil Fiontair;   

2. Cuairteoirí ar an suíomh gréasáin “Cuairteoirí ar an Suíomh Gréasáin”. 

3. FOINSÍ SONRAÍ PEARSANTA 

Sonraí Pearsanta Teagmhála Gnó 

Bailímid Sonraí Pearsanta Teagmhála Gnó ónár dteagmhálaithe gnó a bhfuil baint acu le tacaíochtaí an Mhoil Fiontair. 

Faighimid Sonraí Pearsanta Teagmhála Gnó chun an tacaíocht ghnó a sholáthar. Ní fhaighimid ach Sonraí Pearsanta atá riachtanach agus ar bhealach a mbeifí ag súil leis go ginearálta. 

Faighimid Sonraí Pearsanta faoi Theagmhálaithe Gnó ó fhoinsí éagsúla, mar a leanas: 

• féadfaidh Teagmhálaithe Gnó na Sonraí Pearsanta a chur ar fáil agus iad ag comhlánú foirm fhiosrúcháin ghréasáin, ag glaoch ar an líne ghutháin thiomnaithe, nó ag déanamh teagmháil leis an bhfeidhm comhrá bheo; 

• féadfar na Sonraí Pearsanta a bhailiú go hindíreach ó dhuine eile i gcuideachta an Teagmhálaí Ghnó; 

• féadfar na Sonraí Pearsanta a bhailiú trínár suíomh gréasáin; 

• féadfar na Sonraí Pearsanta a bhailiú go hindíreach ó shuíomh gréasáin nó ó thríú páirtí. 

Sonraí Gréasáin 

Féadfaimid Sonraí Pearsanta Úsáideoir an tSuímh Ghréasáin a bhailiú ó gach cuairteoir ar ár suíomh gréasáin chun ár seirbhísí a fheabhsú agus chun an Suíomh Gréasáin a fhorbairt. 

4. CATAGÓIRÍ SONRAÍ PEARSANTA 

Próiseálaimid na catagóirí Sonraí Pearsanta seo a leanas. I gcás gach catagóire, tá sampla curtha san áireamh againn den chineál Sonraí Pearsanta a d’fhéadfadh a bheith mar chuid den chatagóir sin: 

5. ÁR mBUNÚS DLÍ CHUN SONRAÍ PEARSANTA A PHRÓISEÁIL 

Próiseálaimid na Sonraí Pearsanta ar fad go dleathach agus de réir riachtanais an dlí. Leagtar síos leis an RGCS na forais dlí chun Sonraí Pearsanta a phróiseáil.  

Nuair a phróiseálann Fiontraíocht Éireann Sonraí Pearsanta don Mhol Náisiúnta Fiontair is gnách go ndéantar é sin ar cheann de na bunúis dlí seo a leanas: 

ÚDARÁS POIBLÍ 

Próiseálfaimid Sonraí Pearsanta nuair is gá chun ár n-oibleagáidí a chomhlíonadh maidir le cúram a chur i gcrích a dhéantar ar mhaithe le leas an phobail nó i bhfeidhmiú údaráis oifigiúil atá dílsithe dúinn. 

LEAS DLISTEANACH 

In amanna beidh orainn do Shonraí Pearsanta a phróiseáil chun ár leasanna dlisteanacha gnó a shaothrú, mar shampla chun críocha riaracháin, chun fiacha atá ag dul dúinn a bhailiú, chun faisnéis a sholáthar duit, chun ár ndeiseanna gnó a leathnú, chun ár suíomhanna gréasáin agus seirbhísí a fheidhmiú, a mheasúnú, a chothabháil, a fhorbairt agus a fheabhsú, nó chun a slándáil a chothabháil agus a gcearta maoine intleachtúla a chosaint.   

Ní phróiseálfaimid do Shonraí Pearsanta ar bhonn leasa dhlisteanaigh nuair is mó tionchar na próiseála ar do leasanna nó do chearta agus saoirsí bunúsacha ar ár leasanna dlisteanacha.  

Féadfaidh tú agóid a dhéanamh in aghaidh aon phróiseáil a dhéanaimid ar an mbonn sin. Mura dteastaíonn uait go bpróiseálfaimid do Shonraí Pearsanta ar bhonn ár leasanna dlisteanacha, déan teagmháil linn ag gdpronline@enterprise-ireland.com agus déanfaimid athbhreithniú ar ár ngníomhaíochtaí próiseála. 

TOILIÚ 

I gcás gníomhaíochtaí próiseála áirithe, féadfaimid a bheith ag brath ar do thoiliú.  

I gcás nach féidir linn toiliú a fháil le haghaidh gníomhaíocht phróiseála ar leith, ní phróiseálfaimid na Sonraí Pearsanta ach amháin má tá bunús dleathach eile againn chun é sin a dhéanamh. 

Is féidir leat an toiliú a thug tú a tharraingt siar tráth ar bith trí theagmháil a dhéanamh linn ag gdpronline@enterprise-ireland.com.   

OIBLEAGÁID DHLÍTHIÚIL 

Má tá oibleagáid dhlíthiúil orainn Sonraí Pearsanta a phróiseáil, amhail íoc cánacha, próiseálfaimid Sonraí Pearsanta ar an bhforas dlíthiúil sin. 

6. ÁR nGNÍOMHAÍOCHTAÍ PRÓISEÁLA 

Bainimid úsáid as do Shonraí Pearsanta chun ár seirbhísí a sholáthar duit agus chun cabhrú linn i bhfeidhmiú ár gCuideachta. Faoin dlí cosanta sonraí, ní mór dúinn a chinntiú go bhfuil cuspóir na próiseála soiléir. 

Tá leagtha amach againn thíos cuspóir ginearálta na próiseála, na catagóirí de Shonraí Pearsanta a phróiseáiltear agus an bunús dleathach a bhaineann le próiseáil. 

7. COINNEÁIL 

I gcásanna áirithe ní féidir linn a shonrú roimh ré cén tréimhse a gcoinneoimid do Shonraí Pearsanta ina leith. I gcásanna den sórt sin cinnfimid an tréimhse choinneála chuí bunaithe ar do chearta a chothromú lenár leasanna dlisteanacha gnó. D’fhéadaimis Sonraí Pearsanta áirithe a choinneáil thar na tréimhsí a shonraítear anseo i gcásanna áirithe, mar shampla nuair is gá chun críche éilimh dhlíthiúla. 

Tá tuilleadh faisnéise faoinár gcleachtais choinneála leagtha amach thíos: 

I gcásanna áirithe, féadfaimid Sonraí Pearsanta a choinneáil ar feadh tréimhse níos faide ná mar a shonraítear anseo más gá faoi dhlíthe ábhartha nó i gcás aon éileamh dlíthiúil. 

 8. SONRAÍ PEARSANTA A NOCHTADH 

Nochtfaimid faisnéis lena n-áirítear, nuair is gá, do shonraí teagmhála agus nádúr an fhiosrúcháin a chuir tú faoi bhráid na ngníomhaireachtaí agus na ranna a bhfuil ionadaíocht acu ar an Mol Náisiúnta Fiontair lena n-áirítear an Roinn Airgeadais, an Roinn Coimirce Sóisialaí, Comhairle Dearaidh agus Ceardaíochta na hÉireann, Fáilte Éireann, Údarás Sábháilteachta Bia na hÉireann, Foodworks, InterTrade, An Oifig Fiontair Áitiúil, MicroFinance, CBSÉ, ÚFIÉ, Skillnet, Teagasc agus Údarás na Gaeltachta. Chomh maith leis sin, cuirfimid tuarascálacha comhiomlána ar fáil do na ranna agus gníomhaireachtaí sin maidir le fiosrúcháin agus gníomhaíocht ar an suíomh gréasáin. 

In imthosca áirithe, féadfaimid Sonraí Pearsanta a nochtadh do thríú páirtithe mar seo a leanas: 

• do chomhpháirtithe gnó agus d’fhochonraitheoirí chun aon chonradh a bhaineann lenár seirbhísí a chomhlíonadh lena n-áirítear ríomhphost, Ardáin Chumarsáide, Córas do Bhainistíocht ar Chaidreamh le Custaiméirí, forbróirí gréasáin, próiseálaithe íocaíochta, comhbhailitheoirí sonraí, soláthraithe seirbhísí óstála, comhairleoirí seachtracha, iniúchóirí, comhairleoirí TF agus dlíodóirí; 

• do sholáthróirí anailísíochta agus innill chuardaigh a chuidíonn linn an Suíomh Gréasáin a fheabhsú agus a optamú; 

• má táimid faoi dhualgas Sonraí Pearsanta a nochtadh nó a roinnt chun aon oibleagáid dhlíthiúil a chomhlíonadh (lena n-áirítear cáin, iniúchóireacht nó údaráis eile), nó chun aon chonradh atá againn a fhorfheidhmiú nó a chur i bhfeidhm; 

• chun cearta, maoin nó sábháilteacht againn nó ag ár dTeagmhálaithe Gnó nó daoine eile a chosaint. D’fhéadfadh go n-áireofaí leis sin Sonraí Pearsanta a mhalartú le cuideachtaí agus eagraíochtaí eile chun críocha calaois a chosaint. Nuair a fhostaímid eagraíocht eile chun seirbhísí a sholáthar dúinn, féadfaimid faisnéis a chur ar fáil dóibh lena n-áirítear Sonraí Pearsanta, maidir le comhlíonadh na bhfeidhmeanna sin. Ní cheadaímid do thríú páirtithe Sonraí Pearsanta a úsáid ach amháin chun na seirbhísí sin a sholáthar.  

9. AISTRITHE LASMUIGH DEN LEE 

D’fhéadfaí na sonraí pearsanta a bhailímid a aistriú chuig, agus a stóráil in, áit lasmuigh den Limistéar Eorpach Eacnamaíoch (“EEA”), chun na gcríoch a ndéantar cur síos orthu thuas luaite. D’fhéadfadh sé nach bhfuil leibhéal leordhóthanach cosanta á sholáthar ag na tíortha sin maidir le sonraí pearsanta a phróiseáil. A mhéid teoranta gur gá do shonraí pearsanta a aistriú lasmuigh den LEE, cinnteoimid go bhfuil cosaintí iomchuí i bhfeidhm chun príobháideacht agus sláine sonraí pearsanta den sórt sin a chosaint, lena n-áirítear clásail chaighdeánacha chonarthacha faoi Airteagal 46.2 nó cinneadh leordhóthanachta faoi Airteagal 45. Déan teagmháil linn más mian leat faisnéis a fháil maidir le cosaintí den sórt sin (féach Déan Teagmháil Linn thíos). 

10. BEARTA SLÁNDÁLA 

Táimid tiomanta do shlándáil do shonraí pearsanta a chosaint. Bainimid úsáid as teicneolaíochtaí agus nósanna imeachta slándála éagsúla chun cabhrú le do shonraí pearsanta a chosaint ar rochtain agus úsáid neamhúdaraithe. Is cuma chomh héifeachtach agus atá cleachtais slándála nua-aimseartha, Níl aon chóras slándála fisiceach nó leictreonach go hiomlán sábháilte. Ní féidir linn slándáil iomlán ár mbunachair sonraí a ráthú, agus ní féidir linn a chinntiú nach ndéanfar an fhaisnéis a sholáthraíonn tú a idircheapadh agus í á tarchur chugainn ar an Idirlíon. Tá treoirlínte dochta inmheánacha curtha i bhfeidhm againn lena chinntiú go ndéantar do phríobháideacht a chosaint ag gach leibhéal dár n-eagraíocht. Leanfaimid d’athbhreithniú a dhéanamh ar pholasaithe agus de ghnéithe slándála breise a chur i bhfeidhm de réir mar a chuirfear teicneolaíochtaí nua ar fáil. Sa chás go bhfuil pasfhocal tugtha againn duit a ligeann duit rochtain a dhéanamh ar chodanna áirithe dár suíomh gréasáin, tá tú freagrach as an bpasfhocal sin a choinneáil faoi rún. Iarraimid ort gan do phasfhocal a roinnt le haon duine. 

Cé go ndéanfaimid ár ndícheall chun do shonraí pearsanta a chosaint, ní féidir linn slándáil do shonraí pearsanta a tharchuirtear ar ár suíomh gréasáin a ráthú. Is ar do phriacal féin a dhéantar aon tarchur sonraí pearsanta. Nuair a fhaighimid do shonraí pearsanta, bainimid úsáid as bearta slándála cuí chun féachaint le rochtain nó nochtadh neamhúdaraithe a chosc. 

11. FIANÁIN 

Is comhaid bheaga téacs iad fianáin a chuireann suíomhanna gréasáin a dtugann tú cuairt orthu ar do ríomhaire nó ar do ghléas móibíleach, agus cabhraíonn siad linn feabhas a chur ar na táirgí agus na seirbhísí a thairgimid duit. Baintear úsáid astu chun go n-oibreoidh suíomhanna gréasáin, nó go n-oibreoidh siad ar bhealach níos éifeachtaí, agus chun faisnéis a sholáthar d’úinéirí an tsuímh. D’fhéadfadh fianáin ligean do shuíomh gréasáin cuimhneamh ar do ghníomhaíocht thar thréimhse ama. Tá roinnt fianáin roghnach, agus ní gá duit glacadh leo.

12. SUÍOMHANNA GRÉASÁIN TRÍÚ PÁIRTÍ 

Féadfaidh naisc le suíomhanna gréasáin tríú páirtí agus ó na suíomhanna sin a bheith ar Ár Suíomh Gréasáin. Má leanann tú nasc le haon cheann de na suíomhanna gréasáin sin, tabhair faoi deara go bhfuil a socruithe príobháideachta féin acu nach dtacaímid leo. Ní ghlacaimid le haon fhreagracht ná le haon dliteanas as na suíomhanna gréasáin tríú páirtí sin. Déan do dhícheall cuí sula gcuireann tú Sonraí Pearsanta isteach ar na suíomhanna gréasáin sin. 

13. DO CHEARTA 

Tá cearta éagsúla agat maidir leis an gcaoi a mbaintear úsáid as do Shonraí Pearsanta, cearta atá leagtha amach go mionsonraithe i bhFógra Cosanta Sonraí Fhiontraíocht Éireann. 

14. ATHRUITHE AR AN bhFÓGRA COSANTA SONRAÍ SEO 

Coimeádaimid an ceart chun an Fógra Cosanta Sonraí seo a athrú ó am go ham de réir ár lánrogha féin. Má dhéanaimid aon athrú, déanfaimid na hathruithe sin a phostáil anseo agus nuashonróimid an dáta “An nuashonrú is déanaí” ag bun an Fhógra Cosanta Sonraí seo. Mar sin féin, má dhéanaimid athruithe ábhartha ar an bhFógra Cosanta Sonraí seo cuirfimid ar an eolas thú trí fhógra atá soiléir a chur suas ar an suíomh gréasáin sula dtiocfaidh an t-athrú i bhfeidhm. Déan athbhreithniú ar an bhFógra Cosanta Sonraí aon uair a thugann tú cuairt ar an suíomh gréasáin seo nó nuair a bhaineann tú úsáid as. 

15. DÉAN TEAGMHÁIL LINN 

Cuirtear fáilte roimh cheisteanna, tuairimí, iarratais agus gearáin maidir leis an bhFógra Cosanta Sonraí seo agus na sonraí pearsanta atá againn agus ba cheart iad a sheoladh chuig: 

Shirley Murray 
Oifigeach Cosanta Sonraí 
An Oifig um Chosaint Sonraí agus um Shaoráil Faisnéise 
Fiontraíocht Éireann 
An Plaza 
Páirc Ghnó an Phointe Thoir 
Baile Átha Cliath 3 
D03 E5R6 

gdpronline@enterprise-ireland.com