Aisíoc cánach do dhaoine atá ag éirí as poist agus atá ag bunú gnólachtaí

D’fhéadfá a bheith incháilithe má: 

• Tá tú i d’fhiontraí atá ag éirí as fostaíocht ÍMAT (nó atá dífhostaithe le déanaí) agus tá do chuideachta féin á bunú agat.
• Tá ioncam ÍMAT agat go príomha sa ceithre bliana roimhe sin
• Ar feadh na dtrí bliana roimh an mbliain sular rinneadh an infheistíocht, níl tuilleamh agat ó fhoinse ar bith eile os cionn €50,000 nó an ioncaim fostaíochta (cibé acu is lú).

Tá incháilitheacht faoi réir téarmaí agus coinníollacha atá le fáil ar shuíomh gréasáin na gCoimisinéirí Ioncaim.

Is féidir leat aisíocaíocht Cánach Ioncaim a fháil sa bhliain infheistíochta agus sna sé bliana roimhe sin chun cabhrú leat do chuideachta nua a bhunú. Braitheann an aisíocaíocht sin ar do phá comhlán agus ar an gcáin a d’íoc tú thar na blianta roimhe sin.  

Is é an infheistíocht íosta is féidir leat a dhéanamh ná €250 agus is é an infheistíocht uasta is féidir leat a dhéanamh ná €100,000, in aghaidh na bliana measúnaithe, faoi Fhaoiseamh Gnólachtaí Nuathionscanta le haghaidh Fiontraithe (FGNF). Féadfaidh tú faoiseamh a éileamh ar infheistíocht FGNF thar thréimhse seacht mbliana, rud a chiallaíonn gurb é €700,000 an infheistíocht uasta dá bhfuil FGNF ar fáil, agus féadfar faoiseamh nár úsáideadh a thabhairt ar aghaidh. 

Ní mór duit d’aisíocaíocht a úsáid chun do chuideachta nua a bhunú, a chaithfidh a bheith ina FMB, a bheidh i mbun gníomhaíochtaí trádála ábhartha. Caithfidh an infheistíocht a bheith bunaithe ar phlean gnó. Ní mór do do chuideachta a léiriú go gcuirfidh an infheistíocht go díreach le cruthú nó le cothabháil fostaíochta sa chuideachta nó mura bhfuil do chuideachta ag trádáil go fóill go mbainfidh do chuideachta úsáid as an infheistíocht le haghaidh gníomhaíochtaí taighde agus forbartha.