Tá an maoiniú seo ar fáil do shraitheanna teilifíse beochana arna gceapadh agus á stiúradh go cruthaitheach ag daoine cumasacha Éireannacha – stiúrthóirí, scríbhneoirí, léiritheoirí

D’fhéadfá a bheith incháilithe má:

• Is léiritheoir Éireannach thú a bhfuil sraith drámaíochta teilifíse agat ar mhaith leat í a léiriú, a bhfuil rochtain shoiléir agat ar na cearta riachtanacha, agus rochtain ar mhaoiniú áit an mhargaidh idirnáisiúnta agus maoiniú suntasach craoltóra nó seirbhíse sruthú teilifíse
• Is iondúil go léireoidh iarratais cultúr na hÉireann ar bhealach éigin agus caithfidh an bhainistíocht phraiticiúil a bheith faoi úinéireacht na hÉireann go príomha

Soláthraíonn Fís Éireann maoiniú faoin gclár seo go ginearálta chun tionscadail a dhéanamh i mBéarla nó i nGaeilge den chuid is mó, nó meascán den dá theanga sin. Tá maoiniú suas le 10% de bhuiséad na sraithe ar fáil.

Dámhachtain Uasta

€650,000 – €950,000 ag brath ar bhuiséad iomlán

Tá maoiniú do Léiriúcháin Drámaíochta Teilifíse ar fáil do léiritheoirí Éireannacha (comhlachtaí léiriúcháin neamhspleácha atá cláraithe i bPoblacht na hÉireann a bhfuil oifig agus foireann acu atá lonnaithe i bPoblacht na hÉireann). Tá maoiniú ar fáil do shraith drámaíochta teilifíse. Ní mór rochtain shoiléir ar na cearta riachtanacha in aon ábhar atá le hoiriúnú don scáileán a fháil agus comhaontú a bheith i bhfeidhm leis an scríbhneoir scripte scannáin agus leis an stiúrthóir sula gcuirtear iarratas isteach. Ní mór fianaise ar mhaoiniú áit an mhargaidh idirnáisiúnta agus maoiniú substaintiúil craoltóra nó sheirbhís an tsruthaithe teilifíse a chur ar fáil freisin ag céim an iarratais. Ní thabharfar tacaíocht d’iarratais nach bhfuil maoiniú suntasach ón gcraoltóir ná ó sheirbhís an tsruthaithe teilifíse agus/nó maoiniú áit an mhargaidh idirnáisiúnta ceangailte leo.