Tionscnaimh éifeachtúlachta fuinnimh ar fud an chomhphobail a áiríonn gnólachtaí

Cé atá incháilithe?

• Níl Deontas Fuinnimh Pobail an ÚFIÉ dírithe ar chineálacha sonracha gnólachtaí, tá sé dírithe ar thionscadail ar fud an phobail. Mar sin féin, d’fhéadfadh aon ghnólacht Éireannach atá lonnaithe i bpobal atá ag cur isteach ar an deontas leas a bhaint as an tionscnamh

Tá incháilitheacht faoi réir téarmaí agus coinníollacha.

• Maoiniú Caipitil: Seo an deontas airgeadais a sholáthraíonn an ÚFIÉ chun cabhrú leis na costais, a bhaineann le cur i bhfeidhm uasghrádaithe éifeachtúlachta fuinnimh an phobail, a chlúdach. Athraíonn an méid cruinn ag brath ar scála agus riachtanais an tionscadail.
• Tacaíocht Theicniúil: Cuireann an ÚFIÉ saineolas teicniúil ar fáil chun cabhrú le pobail le linn an tionscadail. D’fhéadfadh treoir a bheith i gceist leis sin maidir le bearta oiriúnacha ar mhaithe le fuinneamh a spáráil a aithint, conraitheoirí a roghnú, agus a chinntiú go gcomhlíonann an tionscadal ceanglais theicniúla.
• Comhpháirtíochtaí: Is féidir leis an ÚFIÉ cabhrú le pobail dul i dteagmháil le comhpháirtithe féideartha ar féidir leo acmhainní nó saineolas breise a sholáthar. D’fhéadfadh sé sin a bheith ina chuidiú do thionscadail a dteastaíonn raon níos leithne scileanna nó eolais uathu.

• Foirgnimh a Uasghrádú: D’fhéadfadh go mbeadh insliú níos fearr i gceist leis seo, chomh maith le seanfhuinneoga agus seandoirse a athrú, nó córais téimh agus fuaraithe a uasghrádú. 
• Tionscnaimh Fuinnimh In-athnuaite: Is féidir leis an deontas tacaíocht a thabhairt do thionscadail a thugann foinsí fuinnimh in-athnuaite isteach sa phobal. D’fhéadfadh go mbeadh na rudaí seo a leanas i gceist leis: painéil ghréine a shuiteáil ar fhoirgnimh phobail, tionscadal tuirbín gaoithe ar scála beag a fhorbairt, nó roghanna fuinnimh geoiteirmeacha a fhiosrú.
• Cláir Feasachta Fuinnimh: Is féidir an deontas a úsáid freisin chun maoiniú a thabhairt do chláir oideachais a chuireann gníomhartha coigilte fuinnimh chun cinn sa phobal. D’fhéadfadh go mbeadh i gceist leis sin ceardlanna ar éifeachtúlacht fuinnimh i dtithe agus i ngnólachtaí, nó feachtais chun feasacht a ardú faoi na buntáistí a bhaineann le fuinneamh in-athnuaite.