Glac an chéad chéim nó an chéad chéim eile chun cibearshlándáil do chuideachta a fheabhsú i ndomhan atá ag athrú de shíor

D’fhéadfá a bheith incháilithe má:

• Is cliant d’Fhiontraíocht Éireann (FÉ) thú cheana féin

• Maoiniú 80% de chostas seasta an tionscadail de €3,000 (a chlúdaíonn na costais tionscadail ar fad – lena n-áirítear am comhairleoirí, taisteal agus speansais tionscadail eile). 
• Tacaíocht ó shaineolaí cáilithe seachtrach cibearshlándála chun: 
  • Agallamh a chur ar phríomhphearsanra na cuideachta 
  • Imscrúdú a dhéanamh ar chleachtais reatha na cuideachta 
  • Athbhreithniú a dhéanamh ar chur i bhfeidhm teicniúil na mbogearraí ar an láthair agus na bogearraí néil araon atá in úsáid.
• Tuarascáil (ina bhfuil úinéirí gníomhartha i do chuideachta ainmnithe) ar conas do sheasamh cibearshlándála a fheabhsú. Beidh an tuarascáil struchtúrtha bunaithe ar dhea-chleachtas ón LNC (an Lárionad Náisiúnta Cibearshlándála).  
• Táthar ag súil go mbeidh an chuid is mó de na gníomhartha leantacha seo struchtúrtha ionas gur féidir le do chuideachta iad a chur i bhfeidhm go díreach. 
• Áireofar sa tuarascáil freisin comharthaíocht chuig tacaíochtaí agus oiliúint tionscail eile atá ar fáil agus a oireann do do chuideachta mar leanúint ar d’Aistear Slándála. 

Tá an t-athbhreithniú deartha chun freastal ar riachtanais shonracha cuideachtaí Éireannacha agus iad a spreagadh chun an chéad chéim/an chéad chéim eile a ghlacadh ar a n-aistear slándála.  

Cumhdóidh gach athbhreithniú critéir áirithe i gcomhréir le Creat an Lárionaid Náisiúnta Cibearshlándála (LNC). I gcomhaontú leatsa mar an gcliant, féadfaidh an sainchomhairleoir díriú ar shainréimsí imní agus ag an am céanna a chinntiú go bhfuil raon leathan de chumhdach lena n-áirítear na chéad chéimeanna eile a comhaontaíodh. 
 

Tabharfar tosaíocht sa tuarascáil do phríomh-shaincheisteanna agus soláthrófar inti gníomhartha sonracha intomhaiste, le húinéirí ainmnithe laistigh den chuideachta, gníomhartha ar féidir aghaidh a thabhairt orthu laistigh de fhráma ama sé go dhá mhí dhéag. 
 

Ní féidir le haon tionscadal slándála ráthaíocht a thabhairt go bhfuil do chuideachta cosanta go hiomlán ar aon ionsaí féideartha. Tá sé mar aidhm ag an athbhreithniú cibearshlándála an riosca a laghdú, feabhas a chur ar do chumas freagra a thabhairt agus tús a chur le cultúr feabhsúcháin leanúnaigh a bhunú i bhfianaise bagairtí atá ag athrú