Tacaíochtaí airgeadais chun cabhrú le hionaid oibre a dhéanamh níos inrochtana

Gnólachtaí atá ag déanamh a n-ionaid oibre níos inrochtana do dhaoine faoi mhíchumas. 

D’fhéadfá a bheith incháilithe má:

• Tá gnólacht príobháideach, gnólacht pobail, gnólacht seachbhrabúsach nó gnólacht deonach agat in Éirinn
• Tá fostaíocht tairgthe agat do dhuine faoi mhíchumas agus beidh oiriúnuithe san ionad oibre ag teastáil ón duine sin chun tabhairt faoi dhualgais 
• Tá fostaí agat a d’fhorbair tinneas, riocht nó lagú (gairme nó eile) a chuireann isteach ar a gcumas a c(h)uid oibre a dhéanamh
• Tá lucht saothair agat óna dteastaíonn oiliúint i réimse an Mhíchumais, an Chomhionannais agus an Chuimsithe

Tá incháilitheacht faoi réir téarmaí agus coinníollacha

• Deontas Oiriúnaithe san Ionad Oibre chun an costas a chumhdach a bhaineann le hionaid oibre a mhodhnú chun iad a dhéanamh inrochtana d’fhostaithe faoi mhíchumas (suas le €25,000)
• Deontas Measúnaithe ar Riachtanais san Ionad Oibre chun costas speisialtóra chláraithe a chumhdach ar féidir leis nó léi coigeartuithe a aithint is féidir a dhéanamh ar an ionad oibre chun deireadh a chur le bacainní a bhíonn ann maidir le post a dhéanamh nó filleadh ar an obair (suas le €2,500)
• Deontas Oiliúna um Chomhionannas agus Cuimsiú do Dhaoine faoi Mhíchumas chun rannchuidiú le costas oiliúna agus forbartha foirne chun cuimsiú daoine faoi mhíchumas san ionad oibre a chur chun cinn (suas le €20,000)
• Deontas um Oiriúnú Trealaimh san Ionad Oibre (déanann an fostaí iarratas) chun an costas a chumhdach a bhaineann le trealamh speisialaithe a cheannach chun ionaid oibre a dhéanamh inrochtana d’fhostaithe faoi mhíchumas (suas le €24,000)
• Tacaíocht d’Fhostaithe (déanann an fostaí iarratas) chun cabhrú leis an gcostas a chumhdach a bhaineann le fostaithe faoi mhíchumas a choinneáil, fostaithe a d’fhéadfadh tacaíocht bhreise a bheith ag teastáil uathu mar gheall ar a míchumas (suas le €12,500)
• Tacaíocht Chumarsáide (déanann an fostaí iarratas) chun costais ateangaireachta a chumhdach do bhaill foirne atá bodhar, nach bhfuil an éisteacht go maith acu, nó a bhfuil riocht eile orthu a chuireann isteach ar chumarsáid (suas le 80 uair an chloig)
• Deontas do Léitheoir Pearsanta (déanann an fostaí iarratas) chun tacú le baill foirne atá dall nó a bhfuil lagú radhairc orthu a bhfuil cabhair ag teastáil uathu leis an léitheoireacht mar chuid de dhualgais oibre (suas le €12,500)

Cabhrú le gnólachtaí bearta a ghlacadh chun timpeallacht oibre níos inrochtana a chruthú do dhaoine faoi mhíchumas.