Téarmaí agus Coinníollacha Fhiontraíocht Éireann

• Tá an t-ábhar go léir a fhoilsítear ar an suíomh seo faoi chóipcheart Fhiontraíocht Éireann.
• Ní ceadmhach aon ábhar ar an suíomh seo a atáirgeadh, a mhodhnú, a athdhíol, a athfhoilsiú nó a athchraoladh in aon fhoirm gan cead sainráite i scríbhinn ó Fhiontraíocht Éireann.
• Is é cuspóir an tsuímh ghréasáin againne ná sreabhadh faisnéise agus comhphlé a éascú i measc ár gcomhpháirtithe gnó go léir. Féachfaimid go dearfach mar sin ar iarratais ar eolas a scaipeadh ar an bpobal i gcoitinne.
• Nuair a dhéantar tagairt d’ábhar ón suíomh seo i meán ar bith, iarraimid go dtabharfaí aitheantas iomlán d’Fhiontraíocht Éireann.
• Cé go bhfuil gach cúram réasúnach glactha ag Fiontraíocht Éireann chun cruinneas na faisnéise a chuirtear i láthair ar an suíomh gréasáin seo a chinntiú, ní thugann sí aon bharántas maidir le cruinneas nó iomláine na faisnéise atá ar an suíomh nó atá inrochtana tríd. Tuigeann úsáideoir an tsuímh ghréasáin seo nach nglacann Fiontraíocht Éireann, ná aon tríú páirtithe a fhéadfaidh faisnéis a sholáthar d’Fhiontraíocht Éireann chun críocha scaipthe, le freagracht nó dliteanas de chineál ar bith a eascraíonn as ábhar an tsuímh, úsáid an tsuímh ag aon pháirtí nó aon fhaisnéis atá ann nó a bhfuil rochtain uirthi ann.
• Tabhair faoi deara go n-úsáideann Fiontraíocht Éireann meiteashonraí ceanntásca ríomhphoist le haghaidh faisnéis anailíse gnó.
• Forchoimeádann Fiontraíocht Éireann an ceart an fhaisnéis a chuirtear ar fáil ar an suíomh gréasáin seo a athbhreithniú, a leasú, a athrú nó a scriosadh tráth ar bith.